قصة نجاح ادم كريم

أنا ماما ادم.. من فترة مش بعيدة كنت بعيش قلق كبير جدًا بسبب ابني. آدم كان بيعاني من تلعثم شديد جدًا، لدرجة إنه أوقات كان بيقف وسط الكلام وما يعرفش يكمل الجملة، غير الحركات اللااراديه وكان بيتوتر جدًا قدام الناس أو حتى مع العيلة. الموضوع كان مأثر على ثقته بنفسه، وأنا كأم كان قلبي بيتقطع ومش عارفة أساعده إزاي. لحد ما ربنا هداني وتعرفت على مركز ادراك ، ومن أول يوم حسيت إن في أمل. ميس اسراء طاهر كانت صبورة جدًا مع آدم، بتشجعه وتدعمه في كل خطوة، علمته ازاي يتحكم في نفسه وينطق الكلمات بكل هدوء وبقا عنده صبر أنه يحاول تاني، وبتديني أنا كمان إرشادات أتعامل بيها معاه في البيت. ومع الاستمرارية والمتابعة بدأت أشوف التغيير. دلوقتي الحمد لله آدم بقا مختلف خالص. بقا يتكلم بطلاقة أوضح بقا بيقول جمل طويله من غير توقف ، وبقا عنده ثقة يشارك في الفصل ويرد على صحابه. حتى في البيت بقى يحكيلي قصصه وهو مبسوط من غير ما يقف أو يتوتر. أنا بجد مش عارفة أشكر ميس اسراء ومستر باسم اشرف إزاي على مجهوده كان متابع معانا خطوه بخطوه .. أنتم مش بس ساعدتوا آدم، أنتم رجعتوا له ابتسامته وثقته في نفسه، ورجعتولي أنا الأمل والراحة. ربنا يجازيكم كل خير ♥️