قصة نجاح يحيي كريم

الحمد لله من قبل ومن بعد، حبيت أشارك تجربتنا في مركز إدراك، وبشكل خاص مع ميس اسراء طاهر اللي كان لها دور كبير جدًا في تطور حالة ابني لما بدأنا، يحيي كان بيعاني من تأخر كبير في الكلام، ماكنش بيطلب، ولا بيكون جمل مفهومة. لكن مع الوقت، ومع الصبر والجهد الكبير من ميس اسراء طاهر قدرنا نشوف تطور حقيقي.بدأ يعرف يسمي الحاجات اللي حواليه. شهر ورا التاني، بدأت أسمع منه حاجات جديدة. كلمة… بعدين جملة… بعدين يحكيلي حصل معاه إيه في يومه. دلوقتي، ابني بيتكلم وبيعبر عن نفسه، وبيتفاعل معانا ومع الناس، وأنا مش مصدقة إن ده نفس الطفل اللي كنت خايفة عليه . الفضل لله، ثم لميس إسراء ثم لمركز ادراك تحت إشراف ومتابعه وتعليمات مستر باسم اشرف طبعا. ميس اسراء مش بس بتشتغل معاه داخل الجلسة، لكن كانت دايمًا بتوجهني كأم إزاي أساعده في البيت كمان. كانت بتكلمني بعد كل جلسة، تشرحلي اشتغلنا على إيه، ودايمًا بتسمعني وتطمنّي. بفضل ربنا أولًا، ثم إخلاص وتفاني ميس اسراء طاهر ابني اتحسن كتير بشكرها من قلبي، وأتمنى ليها دايمًا التوفيق، وربنا يجعل تعبها ده في ميزان حسناتها ❤️